اسلام آباد: اسلام آباد پولیس کی کرائم انویسٹی گیشن ایجنسی (سی آئی اے) نے چوری کی وارداتوں میں ملوث گھریلو چور گینگ کی دو خواتین ارکان کو گرفتار کر لیا ہے، پولیس ترجمان نے اتوار کو بتایا۔
اسسٹنٹ سب انسپکٹر محمد اسحاق، لیڈی پولیس اور اہلکاروں پر مشتمل پولیس ٹیم نے ترنول کے علاقوں میں چوری کی وارداتوں میں ملوث گھریلو چور گینگ کی دو خواتین ارکان کو گرفتار کر کے ان کے قبضے سے طلائی زیورات، نقدی برآمد کر لی۔ ملزمان کے خلاف تھانہ ترنول میں مقدمہ درج کر کے ان سے مزید تفتیش جاری ہے۔
